VERDADES E MENTIRAS SOBRE O IMPORTE DAS RETRIBUCIÓNS DE XUSTIZA

A administración autonómica minte e manipula descaradamente a súa información e quere facernos parvos a todas as funcionarias/os de xustiza. Vese que sacaron a carreira de "letras" e non a de "números", porque incluir por separado a todas as comunidades do territorio Ministerio, que teñen un único pagador, para así querer indicar que estamos por riba, na metade de "taboa clasificatoria", é un argumento ben ruin, sobre todo se temos en conta que xogamos na "Champions League" das Comunidade Autónomas e que, nese caso, deberiamos estar da metade da taboa para arriba e non para abaixo.

¿A que mudaría a perspectiva dos datos facilitados se as cinco comunidades autónomas do territorio Ministerio (que si lles suben o CAT o farían a todas ao mesmo tempo) se consideraran como unha soa?; pois así estariamos no posto 7 de 11 (ou no posto 9 de 13 se incluímos ao Pais Vasco e Navarra, que de momento tamén son Comunidades Autónomas de España), dous postos por debaixo da tal media, mentras que para a administración estariamos no posto 7 de 15, e dicir, un por riba da media. En fin, se estes son todos os recursos e argumentos que teñen para debater, así se pode explicar como non chegamos a un acordo.

Aos traballadores públicos da xustiza "pedíronnos" un esforzo de catro anos e tivemos que tragar con iso porque non nos quedou outra e agora nos lle pedimos a administración un esforzo de tres anos, e van e din que con un ano de esforzo xa esfurrican.

	CCAA	XES		CC.AA.	TRA		CC.AA.	AUX
1	Euskadi	987,46	1	Euskadi	803,84	1	Euskadi	772,22
2	Navarra	693,88	2	Madrid	638,30	2	Madrid	632,34
3	Madrid	641,73	3	Navarra	633,95	3	Cantabria	607,70
4	Cantabria	636,91	4	Cantabria	615,43	4	Asturias	530,85
5	Canarias	577.72	5	Andalucía	542,37	5	Andalucía	523,92
6	Andalucía	573,65	6	Canarias	541,36	6	Canarias	505,00
7	Asturias	555,96	7	Asturias	534,38	7	Galicia	500,58
8	Valencia	544,12	8	Galicia	507,58	8	Valencia	496,53
9	Galicia	520,64	9	Valencia	507,36	9	A Rioxa	468,80
10	A Rioxa	491,82	10	A Rioxa	471,39	10	Navarra	451,84
11	Cataluña	477,63	11	Cataluña	463,79	11	Cataluña	450,11
12	Aragón	465,50	12	Aragón	444,86	12	Aragón	437,45
MINISTERIO	Murcia	410,89	MINISTERIO	Murcia	390,26	MINISTERIO	Murcia	387,64
	Baleares	410,89		Baleares	390,26		Baleares	387,64
	Castela-León	410,89		Castela-León	390,26		Castela-León	387,64
	Castela-A Mancha	410,89		Castela-A Mancha	390,26		Castela-A Mancha	387,64
	Estremadura	410,89		Estremadura	390,26		Estremadura	387,64